A Cámara de Comercio de Ourense impulsa a incorporación das pequenas e medianas empresas á Sociedade da Información e para elo ofrece, entre os seus múltiples servizos, a Certificación Dixital.


¿Que é un certificado dixital?
Un certificado dixital é un identificador único que, a modo de documento de identidade electrónico, ofrece seguridade e fiabilidade en todos os trámites que se realizan a través da Rede.


¿Que usos e vantaxes ten?
 Sinatura de todo tipo de documentos dixitais, dende sinxelos e-mails ata complexos contratos entre empresas. Garante a identidade de quen emite un documento.

 Seguridade na comunicación. O propio certificado serve para encriptar unha comunicación entre dúas persoas, facendo que toda a información transmitida sexa confidencial. Calquera documento enviado por unha persoa a outra estará pechado e só poderá ser aberto polo seu lexítimo destinatario.

 Identificación ante un acceso restrinxido. Á hora de entrar en Intranets, accesos a unha Rede local, a un servidor determinado, ou incluso a aplicacións específicas, a tecnoloxía utilizada será a do certificado dixital. Por último, a empresa pódese identificar diante dunha administración mediante o certificado.


¿Como se obtén?
Para solicitar o certificado dixital, a empresa só ten que cumprimentar un formulario de petición de Certificado on-line.

Camerfirma é a autoridade de Certificación Dixital das Cámaras de Comercio españolas, que ademais, permite actuar baixo unha marca cameral común, ampliando así o seu ámbito de validez. A Cámara de Comercio de Ourense realizará as comprobacións necesarias para validar a solicitude. Se os datos son correctos, dará a orde a Camefirma de xerar o certificado, que o remite á Cámara. Esta contacta co solicitante, indicándolle a documentación acreditativa que debe aportar. ¿Que certificados lle ofrece Camerfirma?  Perteneza a empresa  Representante  Persoa xurídica  Servidor  Apoderado  Selo de empresa  Sinatura de código  Factura electrónica