¿Queres crear a túa propia empresa e necesitas información sobre como facelo? O 20 de decembro levaremos a cabo un taller gratuíto onde se vai abordar como realizar un plan de empresa, as formas xurídicas máis usuais, os trámites a realizar coas distintas administracións, como realizar un bo plan de mercadotecnia e financeiro, así como as posibles axudas e subvencións ás que poderías optar, para que dunha forma práctica e sinxela poidas coñecer todo o necesario para poñer o teu negocio en marcha.

Este taller realízase en colaboración co Instituto da Muller e para a Igualdade de Oportunidades e o Fondo Social Europeo.

Programa de concienciación dos alumnos de ESO, Bacharelato e FP sobre as posibilidades do autoemprego como unha opción profesional.

A Cámara Oficial de Comercio, Industria e Servizos de Ourense como entidade colaboradora da Rede Eusumo, pon en marcha en 2017, unha serie de accións divulgativas e formativas para o fomento do cooperativismo e da economía social, baixo o título “Xornadas de fomento do espírito emprendedor cooperativo na escola” impartiránse en distintos centros educativos de Ourense e Verín 8 xornadas destinadas a alumnos de ensino secundario e formación profesional, encamiñadas a fomentar e estimular a capacidade emprendedora entre os alumnos/as de educación secundaria dos distintos centros de calquer área de coñecemento científico, técnico ou humanístico. Desta forma promóvese o desenvolvemento de proxectos empresariais innovadores relacionados coas distintas disciplinas abordadas nas especialidades formativas, susceptibles de transformarse en empresa. Preténdese achegar o modelo cooperativo a os alumnos para que contemplen a fórmula do autoemprego cooperativo, dando a coñecer as características do modelo cooperativo e as súas achegas sociais e económicas, así como coñecer casos reais de emprendemento cooperativo.