|
|
 |
|
|
» Clausura dos programas de creación e consolidación de empresas, con máis de 40 participantes |
Un total de 42 emprendedores e empresarios deseñaron os seus plans de negocio e de mellora grazas a senllos programas de creación e consolidación de empresas, impartidos pola Cámara de Comercio de Ourense grazas ao apoio da Fundación Incyde, a Dirección Xeral de Traballo e o Fondo Social Europeo. Unha vez finalizados os programas, impartidos dende abril e maio respectivamente, os participantes recibiron hoxe os seus diplomas nun acto no que estiveron presentes o subdirector xeral de Fomento dá Contratación e do Traballo Autónomo, Jorge Barros de la Peña, o vicepresidente primeiro da Cámara, Juan Carlos Parada, e os directores de ambas as dúas iniciativas.
O primeiro dos programas impartiuse durante os meses de abril e maio e reuniu 23 participantes, dos cales tres correspondían a empresas xa creadas e vinculadas ao ocio, a publicidade e a reparación de calzado. Pola súa banda, os plans elaborados polos vinte emprendedores pertencen a unha ampla variedade de actividades, como consultoría para empresas, restauración, mecánica do automóbil, alimentación, manualidades, fotografía, formación, deseño, rehabilitación e mesmo arqueoloxía.
 |
 |
No tocante ao segundo dos programas, impartido en maio e xuño, 17 eran emprendedores que querían desenvolver a súa idea e os dous restantes empresarios con desexos de aplicar melloras no negocio. En liñas xerais, os sectores de actividade estaban vinculados a servizos como o comercio, a organización de eventos, restauración e hostalaría, se ben destacan tamén outros proxectos relacionados coa formación, a alimentación, fabricación, atención ao maior ou medio.
Unha vez máis, as mulleres deron mostra do seu carácter emprendedor, pois ocuparon en torno ao 60% das prazas dispoñibles en ambos os dous programas, centrando os seus proxectos no sector servizos.
Entrega de diplomas
O salón de actos da Cámara acolleu este mediodía a entrega de diplomas aos participantes, coa presenza dos representantes das entidades promotoras: o subdirector xeral de Fomento da Contratación e do Traballo Autónomo, Jorge Barros de la Peña, o vicepresidente primeiro da Cámara, Juan Carlos Parada, e os directores dos dous programas, Abraham González e Emilio Galán.
Dous foron os proxectos seleccionados para a súa exposición, en representación de todos os participantes. O primeiro deles foi unha guía de ocio infantil para Galicia, 123queves.com, deseñada por Cristina Blanco, e o segundo unha iniciativa de repostaría creativa, Toffe Glass, de Jimena e Manuel Rey.
|
|
|
|
|
|
|
A Cámara
